Haddii aad la kulanto dembi la xiriira sharaf-ilaalinta

Door muhiim ah ayaad ka ciyaari haddii aad la kulanto carruur iyo dhallinyaro qaangaar ah oo laga yaabo in loo geystay dulmiga iyo rabshada la xiriirta sharaf-ilaalinta. Waxa ay qeyb katahay u nuglaanshaha waana qeyb kamid ah ilaalinta dadka nugul.

Carruurta iyo dhalinyarada qaangaarka ah ee la kulma dembiyada sharaf-ilaalinta la xiriira ama kuwa lagu khasbo inay ku hoos noolaadaan koontarool adag ee waaqiciga guud waxay la kulmi karaan murugo shucuureed oo daran. Inta badan waa kuwo dhaca in xaddidaadaha ay sii adkaadaan kolba marka canuga uu sii weynaado. Haddii adiga, qof weyn ka ahaan, ka shakisan tahay in canug agagaarkaaga ku nool uu ku nool yahay deegaan wanaagsan, waa inaad fiiro gaar ah u yeelataa tilmaamayaasha kala duwan ee dulmiga iyo rabshada ah.

Qeexitaanka rabshada iyo dulmiga la xiriira sharaf-ilaalinta

Dulmiga iyo rabshada la xiriirta sharaf-ilaalinta waxaa kala sooca xaqiiqda ah xiriirka ay la leeyihiin, kow qaraabada soke oo badan, oo leh awood iyo xukun ay ku maamulaan hal ama in kabadan oo haween iyo gabdho ah. Fikradda sharaftu waxay si qoto dheer uga jirtaa qiyamka abtirsiimada iyo qiyamka doorka ragga iyo dumarka ay kala leeyihiin waxaana loo isticmaali karaa in lagu caddeeyo rabshadaha iyo dulmiga ka dhanka ah ragga iyo wiilasha dhalinyarada ah, si gaar ah shakhsiyaadka LGBT.

Awooda, yoolalka iyo xukunka - siyaasadaha ujanjeera dumarka ee mustaqbalka loo siman yahay (ku qoran Af-Iswiidhish)

Calaamadaha nuglaanshaha gabdhaha iyo haweenka

Waxaa jira tiro tilmaamayaal ah oo qofka dumarka ah ama loo aqoonsado dumarnimo uu khatar ugu jiray ama ugu jiro in loo geysto dulmiga iyo rabshada la xiriirta sharaf-ilaalinta. Astaamuhu waa ay kala duwanaan karaan iyada oo ay ku xiran yihiin in gabadha ama haweeneyda la guursaday ama aanan la guursan.

Qaar kamid ah tusaalooyinka gabdhaha iyo haweenka aan la guursan waxaa kamid noqon kara:

inay guriga toos u aadaan iskuulka kadib oo aanan loo oggoleyn inay wax wakhti firaaqo ah qaataan ama hawlaha manhajka kabaxsan,
inaanan loo oggoleyn inay wiilasha la hadlaan ama shaqaalaha ragga ah ee iskuulka,
inay qaab gooni ah u labistaan,
in wiilka ladhashay, wiilka ay ilmo adeerka yihiin ama qaraabada kale, dariska ama kuwa ay isku-dalka kasoo jeedaan ay ka walwalaan marka ay arkaan iyada oo sameyneysa waxyaabo aanan loo oggoleyn inay iskuulka ku sameyso ama haddii kale meel kabaxsan guriga.
inaanan loo oggoleyn inay kaqeybqaataan dhamaan hawlaha qasabka ah ee iskuulka sida dabaasha, galmada, ogolaanshaha iyo cilaaqaadka iyo safarada iskuulka ee habeenki la dhaxo,
inay walwalaan fasaxyada xagaaga kahor, safarka lagu aadayo wadanki ay kasoo jeedeen ama safarka ay ku aadayaan qaraabadooda ku sugan Iswiidhan.
inay qabaan su'aalo kusaabsan Gudniinka Fircooniga (FGM), hubinta bikranimada ama qalliinada lagu sooceliyo bikranimada, iyo
inay ka cabsadaan in macluumaadka kusaabsan caafimaadka taranka, tusaale ahaan kuwa khuseeya ka hortagga uurka ama ilmo iska soo-xaaqidda, ay soojiidaneyso dareenka qoyska.

Astaamaha in haweeney la qabo ay ku nooshahay xaalad sharaf-ilaalin waxa ay noqon karaan:

inaanan la furin,
inaanan loo oggoleyn inay shaqeystaan ama dhaqaalahooda bixiyaan,
inaanan loo oggoleyn inay doortaan dharkooda,
inaanan loo oggoleyn inay iskooda dibada u soo baxaan,
in lagu qasbo inay kuwa kale kula kacaan dulmiga iyo rabshada la xiriirta sharaf-ilaalinta, iyo
inaanan loo oggoleyn inay la macaamil saaxiibtinimo la yeeshaan ragga kabaxsan qoyskooda.

Calaamadaha nuglaanshaha wiilasha iyo ragga

Xitaa dadka oo dhalasho ahaan loo arko inay wiilal iyo rag yihiin ayaa loo geysan karaa ama halis ugu jira dulmiga iyo rabshada la xiriirta sharaf-ilaalinta, waxaana jira tilmaameyaal gaar ah oo u nuglaansho ah oo ay tahay in laga warqabo.

Qaar kamid ah astaamaha wiilasha iyo ragga aanan guursan waxaa kamid noqon kara:

inaanan loo oggoleyn inay yeeshaan rabitaan galmo ama aqoonsi oo kabaxsan jinsiga kasoo horjeeda,
in lagu qasbo inuu guursado isaga oo aan raali ka ahayn,
in loo diido inay u noolaadaan sida ay doonayaan iyo ka dalbashada ah inay koontoroolaan gabdhaha ladhashay iyo kuwa qaraabada marka ay joogaan dugsiga barbaarinta ubadka, iskuulka iyo wakhtiga firaaqada,
in loo diido inay u noolaadaan sida ay doonayaan iyo ka dalbashada ah inay ciqaabaan ragga qalaad ee xiriirka layeesho gabar qaraabada ah, iyo
in lagula kaco hanjabaad, gardarro, rabshad, xaqiraad, barakicin, barbaarin ama guur haddii uusan u hoggaansamin dalabaadka saaran ragga kujira waaqiciga kooxda ee sharaf-ilaalinta.

Astaamaha in nin reer leh uu ku nool yahay xaalad sharaf-ilaalin waxa ay noqon karaan:

inaadan awoodin inaad adigu doorato lamaanahaaga,
inaanan la furin,
in loo diido inay u noolaadaan sida ay doonayaan iyo shuruudaha ah inay ciqaabaan haweeney reerka ah ama nin haweeney xiriir guurka kabaxsan la yeeshay.
in loo diido inay u noolaadaan sida ay doonayaan iyo ka dalbashada ah inay u geystaan carruurtooda, tusaale ahaan, koontorool, gudniin ama guur, iyo
inay khatar ugu jiraan ama loo geysto hanjabaad iyo rabsho iyada oo ay sabab u tahay xiriirka uu laleeyahay haweeney qoyskeeda ay ku nool yihiin heerarka sharaf-ilaalinta.

Astaamaha unuglaanshaha ee dadka ah LGBTQI

Dadka loo aqoonsado inay yihiin LGBTQI waxaa laga yaabaa inay siyaabo dheeraad ah ugu nugul yihiin marka loo barbardhigo gabdhaha, haweenka, iyo ragga. Waxaa jira tilmaamayaal laga eego si loo go'aamiyo haddii shakhsi ah LGBTQI loogeysto ama halis ugu jiro in loo geysto dulmiga iyo rabshada la xiriirta sharaf-ilaalinta.

Qaar kamid ah astaamaha dadka ah LGBTQI:

inaanan loo oggoleyn inay yeeshaan rabitaan galmo ama aqoonsi oo kabaxsan jinsiga kasoo horjeeda,
inaanan loo oggoleyn inay muujiyaan bandhigga jinsiga u dhigma aqoonsiga iyo dareenka qofka.
in lagu qasbo inuu guursado isaga oo aan raali ka ahayn,
in lagula kaco waxa loogu yeero iskudayada beddelitaanka,
inaanan loo oggoleyn inuu u labisto sida uu rabo,
inaanan loo oggoleyn inay dhexgalaan meelaha LGBTQI, iyo
inaanan loo oggoleyn inay kahadlaan oo ay soo bandhigaan aqoonsigooda dhabta ah.

Cilmi baaris kusaabsan dulmiga iyo rabshada la xiriirta sharaf-ilaalinta (ku qoran Af-Iswiidhish)

Devin Rexvid waa bare sare iyo cilmi baare oo wax ka dhiga Jaamacada Stockholm. Filimkan dhexdiisa, waxa uu oga hadlayaa, iyo waxyaabo kaleba, dabiiciga dulmiga iyo rabshada la xiriirta sharaf-ilaalinta, baahsanaantiisa, iyo tilmaamayaasha muujinaya u nuglaanshaha. Intaa wxaa dheer, waxa uu oga hadlayaa waxa ay tahay in bulshadu ay sameyso si ay ula dagaalanto ugana hortagto dulmiga iyo rabshada la xiriirta sharaf-ilaalinta tilmaamana siiso xirfadlayaasha la kulma dhibanayaasha.

20,02

Cilmi baaris ku saabsan rabshada iyo dulmiga la xiriira sharaf-ilaalinta

Haa, rabshada iyo dulmiga la xiriira sharaf ilaalinta waa nooc kamida dulmiga iyo rabshada oo loo isticmaalo xeelad lagu sugayo ama lagu soo ceshanayo sharaftii lagu xadgudbay. Taasina waxay ubaahan tahay qeexitaan gaaban oo ku aaddan waxa ay tahay sharaf-ilaalintu iyo sababta ay aadka muhiim ugu tahay inuu shakhsiga ay ka go’antahay inuu ku kaco rabsho iyo dulmi si uu u ilaashado iyada.

Magaceygu waa Devin Rexvid, waxaana sameeyaa cilmi baarista rabshada iyo dulmiga la xiriira sharaf-ilaalinta. Waxaan sameeyay daraasado kala duwan oo ku saabsan qaybtan.

Sharaf-ilaalintu waa shay wanaagsan marka la eego bulshooyinka caalamka inta badan, walow wanaagsanidu ay kala duwan tahay iyadoo ku xiran bulshada iyo xilliga taariikheed. Kolka la joogo Iswiidhenta maanta, sharaf-ilaalintu waa inaad daacad tahay, naftaada u samaynaysid shayga saxda ah, inaadan ku takrifalin nidaamka, iyo wixii lamid ah. Micnuhu sidaan ma ahan marka la fiiriyo waaqiciyada kale. Meeshas, sharaf-ilaalinta waxaa si dhow ay ula xiriirta awoodda walaalka, aabayaasha, iyo ragga qaraabada ahi si ay u koontoroolaan dumarka jirkooda, hab-dhaqankooda, iyo galmonimadooda. Kolka xaaladaas la joogana, sharaf-ilaalintu waa qiyamka ugu sarreeya, waxay ka muhiimsan tahay nolosha, kana muhiimsan tahay xornimada. Waa arrin udhaxeysa nolol ama geeri. Shayga loogu jecel yahy bulshada dhexdeeda.

Waxaan noqon karaa nin daacad ah oo guulaysta, laakiin haddii aan qancin kari waayo koox aaminsan fikrado isku mid ah oo ah sharaf-ilaalinta iyo sharaf dhaca, xishood iyo xishood la'aanta, markaa waxaan luminayaa sharafteyda. Caawinaad saas ah kama helayo tayooyinka kale sida daacadnimada, isku hallaynimada, soo dhawaynimada, iyo guusha dhinaca waxbarashada ama suuqa shaqada, iyo kuwa kale oo badan. Laakiin waxa ugu muhiimsan waa awoodeyda aan ku koontaroolayo jinsinimada dumarka qaraabada ila ah si la iigu tixgeliyo sidi nin sharaf iyo ixtiraam leh.

Sida ay qabaan cilmi-baarayaasha qaarkood, dhaqanka sharaf-ilaalintu waa fikrad rabsho wadata. In lagu kaco rabsho si loo ilaaliyo ama loo soo celiyo sharaftii qofka ay tahay mid sharci ah oo bulsho ahaan ay tahay wax ansax ah.

Waa nooc ka mid ah dulmiga iyo rabshadaha loo isticmaalo in lagu ilaaliyo ama lagu soo celiyo sharafta. Tan waxaa lagu gaaraa iyadoo la isticmaalayo xeelado kala duwan oo lagu xakameynayo. Iyo, mar kalena, haddaad sii fududeysid rabshada iyo dulmiga la xiriira sharaf-ilaalinta, waxaad dhihi kartaa waxa ay ku fadhidaa labo tiir. Qayb kamid ah rabshada iyo dulmiga waxa ay ka imaadaa fikradda bikronimada, taasoo ay ku jiraan hablaha aan la guursan ee da' kasta. Kadib waxaad isku dayaysaa inaad ilaalisid fikraddan dambi la’aanta ku salaysan adigoo guriga ku kala saaraya jinsiga, wakhtigaada firaaqada, dugsiga, dugsiga barbaarinta ubadka, goobta shaqada, iyo goobaha dadwaynaha, tusaale ahaan, kala soocida jinsiga. Fikradda bikranimada sidoo kale waxaa lagu ilaaliyaa guurka hore, guurka ilmaha, guurka qasabka ah, guurka ilma adeernimada, intaasoo dhanna waxaa loo samaynayaa in lagu ilaaliyo hantida qoyska, qaraabada kamidka ah kooxdooda qaaska ah.

Waxaan leenahay gudniinka fircooniga ah, kaasoo looga gol leeyahay in lagu yareeyo shahwada gabadha, marka laga soo tago kala soociida jinsiga iyo dhaqamada soo jireenka ah ee guurka. In lagu kallifo iyada iney la xiriiriso jinsigeeda xanuun, u aragto meel ay uga imaan karto ceeb, fisqi, wasakh, iyo kuwa kaloo badan.

Marka, dhammaan habbabka koontoroolka waxaa ku jira walxo muujinaya dulmi ay kamid tahay xayiraadda qof la saarayo oo ka hortagaysa inuu is fahmo, hormariyo awoodihiisa bulsho, garaad, iyo jireed iyo sidoo kale in lagu kaco falal rabsho ah, sida rabsho jinsiyeedka la xiriirta gudniinka fircooniga, hubinta bikronimada, qalliinka xuubka bikrada ee qasabka ah, dayaca ku xadgudubka galmada la xiriirta guurka carruurta iyo guurka la qasbay, iyo, tan ugu daran oo ah in sharaf-ilaalin loo dilo haweeney xidid ah hadii ay ka tillaabsato heerka sharaf-ilaalinta ayna ceeb u keento qoyska. Marka wa ay kaa go'antahay inaad nafta ka jarto iyada si aad uga hor tagto bahdil, oo keenaysa in ragga qoyska ay noqdaan kuwo ka dhintay dadka ku hareeraysan, loona arko wax aan qiimo lahayn, oo eber ah.

Rabshada la xiriirta sharaf-ilaalinta waxay noqon kartaa rabsho jireed, rabsho nafsiyan ah, rabsho galmo, rabsho awood, laakiin sidoo kale rabshada hantida.

Haddaan rabshada jireed tusaale ahaan u soo qaadanno. Waxay noqon kartaa hubinta bikronimada oo qasab ah, haraanti iyo feer, ama lagu garaaco waxyaabaha la xiriira wasakhda iyo nijaasada, sida dacaska, buraashka, xaaqinka, iyo usha buudka lagu gashto. Weerarada aashitada ee qofka wajigiisa lagu gubana waa mid sidoo kalana suura gal ah. Waxay ku lug yeelan kartaa in haweeneyda timaheeda si qasab ah looga xiiro, gudniinka fircooniga ah lagu gudo, iyo, marka ay ugu daran tahay oo qof sharaf-ilaalin darteed loo dilo kaasoo ceebeeyey qoyska.

Rabshada nafsiyanka ah ayaa noocyo kala duwan yeelan karta. In laga dhigo dhibanaha midaan la arkin, tusaale, gabar la kulmi jirtay nin, leh wiil saaxib ah, galmo soo samaysay guurka kahor, waxaad ka dhigaysaa qof aan la arkin, cidna lama hadleyso, " weligeen nama soo marin gabar leh magacaas," looma oggola iney fariisato miiska cashada xaafadu iskugu timaado, laakiin waxay fariisanaysaa iyadoo ka sii jeedda telefishanka. Looma oggola iney ka qayb qaadato howlaha guriga. Waxaa lagu tilmaamaa inay tahay qof u gafay qoyska. Hanjaabad kala duwan oo sharci darro ah ayaa lagula kacaa, ay kamid tahay, "waxaan kuu ceyrineynaa," dhulki waalidkaa ay u dhasheen, waxaana "kugu cadaabeynaa nolosha." Haddaan soo koobno, waxaad ugu hanjabaysaa dhibanaha noocyada kala duwan ee ciqaabta, taasoo ku abuuraysa dhibanaha cadaadis nafsiyan ah oo wayn. Waaqicaas marka la fiiriyo, waxaa jira dhacdooyin badan oo ah rabsho nafsiyan ah.

Haddaan sii aadno rabshada galmada, waxaan horey ooga hadlay baarista bikranimada ee qasabka ah, gudniinka fircooniga, iyo qalliimada lagu soocelinayo xuubka bikronimada ee qasabka ah. Hase yeeshee, galmada qoyska dhexdiisa ah, kufsiga weerarka ah, dhibaateynta galmada, iyo xadgudubka galmeed waxaa dhammaantood gaysan kara rag bannaanka ka imaaday kuwaasoo ka faa'iideysanaya u-nuglaanshaha dhibanaha ee rabshadaha iyo dulmiga la xiriira sharaf-ilaalinta. “Haddii aadan galmo ila samayn, waxaan la xiriirayaa qoyskaaga, qaraabadaada, waxaana u sheegayaa inaad si ikhtiyaari ah aad ila galmootay, ama haddii kale sawiradaan cowrada ah ayaan u dirayaa reerkiina iyo qaraabadaada,” ayuu dhihi karaa saxiibkeedi hore. Xaalad kashifaad ah. Haddana, marka la joogo dhaqanka sharaf-ilaalinta, marka haweenka iyo gabdhaha loo geysto xadgudub galmo, iyadoon la eegayn iney tahay mid qoyska dhexdiisa ama mid weerar ah, sidoo kale waxay ciqaab kala kulmaysaa reerkeeda. Sidaa daraadeed, in galmo ahaan la weeraro kolka la joogo waaqiciga sharaf-ilaalinta waa seef laba af leh mararka qaar.

Marka ay timaaddo rabshadda dhaqaale, waxay ku saabsan tahay ineysan awoodin iney shaqo u aaddo banaanka, tusaale ahaan, oo ay ku tiirsanaato raggaan qaraabadeeda ah: walaalaha, aabayaasha, iyo nimanka qaba. Waxay noqon kartaa la'aanta hantidaada maaliyadeed iyo agabkaaga, xitaa haddii aad baxdo oo aad shaqeyso. Kaarka bangiga wuxuu weli ku jiraa jeebka aabaha ama ninka qaba. Hase yeeshee, waxa sidoo kale kamid noqon kara burburinta alaabta micnaha ugu fadhida dhibanaha.

Marka kuwaasi waa qaar kamida falalka rabshada ah oo lagu samayn karo dhibanaha. Waa qayb kamida rabshadaha iyo dulmiga la xiriira sharaf-ilaalinta oo lagu micneeyay rabshada la xiriirta sharaf-ilaalinta, kadibna waxaa jira dulmiga, kaasoo ah mowduuc ballaaran oo kaligiis u baahaan in si gaar ah looga hadlo.

Markaa waxaan dhihi karaa waxay tuseysaa noocyo badan oo ah caqabadaha maalin kasta dhaca kuwasoo ugu dambayn sababa in qofku uu maskax ahaan dhinto. Tusaale ahaan, marka aan laguu ogolayn inaad u labisato sidaad doonto, marka aan laguu ogolayn inaad saaxiibo la socoto, marka aadan wakhti firaaqo ah haysanin dugsiga ka dib, marka aan laguu oggoleyn jirkaaga inaad u isticmaasho inaad ku niikiso, ciyaarto ciyaaraha, marka aan laguu oggoleyn inaad samayso galmo, yeelato xiriir jacayl si aad kor ugu qaaidi awoodda dareenkaaga, iyo wixii la mid ah, waad dhimanaysaa, waad angagaysaa shakhsi ahaan. Waa taas waxaan kawado dhimashada maskaxda, ee aan ahayn dhimashada jireed oo ka dhalata dulmi iyo rabsho ku salaysan sharaf-ilaalin.

U nuglaanshaha dulmiga iyo rabshada la xiriirta sharaf-ilaalinta waxaa lagu aqoonsan karaa siyaabo kala duwan. Waxaa jira calaamado kala duwan oo aad fiiro gaar ah u yeelan karto. Hase yeeshee, tani waxa ay sharaxeysaa in qofka uu ka warqabo waxa ay yihiin dulmiga iyo rabshada la xiriirta sharaf-ilaalinta. Waxa ay noqon kartaa welwelka iyo walbahaarka carruurta iyo dhallinyarada, tusaale ahaan, la xiriira safarrada dibadda, fasaxyada dugsiga, iyo wixii la mid ah. Halkaas oo aad ka maqashay hadallo muujinaya in aad waddan kale aadayso, tusaale ahaan, ama in aad ku soo booqan doonto, ka dibna aad ka heshay qof aad isguursataan ama aad isnikaaxsataan. Waxay noqon kartaa inaan laguu ogolayn inaad ka qaybgasho midna maaddooyinka dugsiga. Laguuma ogola inaad ka qayb qaadatid galmo, iyo waxbarashada hal meel la wada dego, dabaasha, sawir-qaadista, baayoolajiga, muusiga, ama safarrada iskuulka ee habeen la dhaxayo. Waxay noqon kartaa wiilasha iyo ragga yaryar ee laga filayo inay koontoroolaan gabdhaha la dhashay iyo kuwa ay ilmo adeerada yihiin. Laga bilaabo dugsiga barbaarinta ilaa iskuulka ilaa goobaha dadweynaha. Isla marka ay yimaadaan dumarka ay sida dhow xigtada u yihiin, ragga ilaaliyaasha ah waa iney ku soo biiraan, koontoroolaan, una dhaqmaan iney yihiin gacanta dheer ee qoyska. Sidaa awgeed, waa inaad il gaar ah ku fiirisaa dhammaan tilmaamayaashaan.

Iswiidhanta maanta aynu joogno, dulmiga iyo rabshada la xiriirta sharaf-ilaalinta waa dhibaato xoogaa baahsan. Ma jiraan tirakoob qaran, balse daraasado la sameeyey sanadihii la soo dhafaay ayaa muujinaya in ku dhawaad 60% gabdhaha aan asalkoodu ahayn Waqooyiga Yurub iney la kulmaan caqabado marka ay xulanayaan lamaanahooda mustaqbalka ee noocyada kala duwan. Waa inaad midkood ka dooran kartaa dhowr ikhtiyaar ama maba dooran kartid gabi ahaanba. Marka la isku daro labadan kooxood ee gabdhaha leh xaddidaadda xulashada lammaanaha mustaqbalka, waxaan kudhawaad heleynaa 60% ee kuwa aan asalkoodu ahayn Waqooyiga Yurub. Kadib waxaa jira qiyaastii 30,000 oo ah haween, gabdho, iyo dumarka lagu sameeyey Gudniinka Fircooniga (FGM) ah.

Midda ugu badan ayaa ah in gabdhaha iyo haweenka loo geysto noocyada ugu daran ee dulmiga iyo rabshada la xiriirta sharaf-ilaalinta. Laakiin sidoo kale wiilasha iyo ragga ayaa sidoo kale loo geystaa. Haddii qof uusan u dhaqmin sida qoysku ka filayo, qof waa inuu koontoroolaa gabdhaha qaraabada ah ee soke, sida gabdhaha la dhashay. Waxaa laguu guurin karaa qof, lagu canaanan karaa, lagu rari karaa, lagu go'doomin karaa, ama waxaa laguu diri karaa safar waxbarasho. Waxay sidoo kale ku saabsanaan kartaa rag wadanka kabaxsan oo xiriir jacayl la lahaa haweeney ama gabar taasoo ku nool deegaan la ixtiraamo ka dibna loo ciqaabay taas darteed. Gudaha Iswiidhan, waxaa jiray kiisas badan oo la xiriiray dilalka sharaf-ilaalinta ee ragga dhalinyarada ah.

Dhagarqabayaasha tacadiyada intooda badan waa rag, laakiin sidoo kale dumarka ayaa ku lug yeeshay. Labada dhagar qabe, kuwasoo dajistay dhaqamo la xiriira sharaf-ilaalinta ka hindisehooda ahaan, ku dhaqma dulmi iyo rabsho la xiriirta sharaf-ilaalinta oo ka dhan ah gabdhaha ay dhaleen, gabdhaha wiilashooda qabaan, wiilashooda, iyo ragga kale. Laakiin sidoo kale waxay ku saabsan tahay dumarka lagu qasbay inay sidaas sameeyaan. Ayaga laftigooda ayaa u nugul, laakiin waxaa lagu qasbay inay ku dhaqmaan dulmiga iyo rabshada la xiriirta sharaf-ilaalinta ee kadhanka ah kuwa kale.

Waxaa laga yaabaa inuu qofka la yaabo yaa kudhaqma, halkee looga dhaqmaa, dulmiga iyo rabshada la xiriirta sharaf-ilaalinta. Waa kuwee kooxaha ku dhaqma dulmiga iyo rabshada la xiriirta sharaf-ilaalinta? Waa nooc kamid ah rabshada iyo dulmiga ayna ku dhaqmaan kooxo kala duwan, ay kamidka yihiin kooxaha kala duwan ee isirada, kooxo diimeedka, iyo kuwa diina aan haysan. Markaa tani waa dhaqan gooni ah oo leh dhiirigelin u gaar ah iyo nidaam xeerar u gaar ah oo kusaabsan sida dumarka iyo ragga ay tahay inay u dhaqmaan, iyo sidoo kale sidii loo ciqaabi lahaa haddii ay ku xad-gudbaan xeerka sharaf-ilaalinta.

Dadku waxay wax ka yiraahdeen suunkii rageed ee qadiimiga ahaa, oo sidoo kale loo yaqaanay suunka sharaf-ilaalinta, oo laga sameeyay daaraasaad ka hadlaya gabi ahaan Bariga Dhexe. Waa muhiim in la dhuuxo sawirka Bariga Dhexe. Bariga Dhexe waxaa ku nool dad leh isir iyo diimo kala duwan. Halki isir dhexdiisa, waxaa jira taageerayaal la dhacsan heerarka sharaf-ilaalinta iyo sidoo kale kuwo kasoo horjeeda dulmiga iyo rabshada la xiriirta sharaf-ilaalinta Aad bay muhiim u tahay in la xasuusto taas.

Si wax looga qabto dulmiga iyo rabshada la xiriirta sharaf-ilaalinta, bulshadu waa iney qaadaan tallaabooyin kala duwan. Waxaa loo baahan yahay dadaallo dhinacyo kala duwan leh, oo ay ku jiraan sharciyo, abuurista sharciyo cusub, adkeynta sharciyada jira, iyo la dagaalanka hababka xakamaynta sida Gudniinka Fircooniga (FGM) ah, guurka caruurta, guurka qasabka ah, kala soocida raga iyo dumarka, iyo wixii la mid ah. Hase yeeshee, sharci dajin kaliya kuma filna; bulshadu waa iney tababartaa oo maalgalisaa hindiseyaasha xirfad-dhiska ah oo loogu talagalay saraakiisha dowladda ee hoos yimaada qeybtaan.

Nidaamka waxbarashada, laga bilaabo dugsiga barbaarinta ilaa dugsiga hoose iyo sare, waa aag kale oo muhiim ah oo lagula dagaalamo dulmiga iyo rabshada la xiriirta sharaf-ilaalinta. Dugsiga barbaarinta ubadka waa muhiim sababtoo ah wuxuu noo oggolaanayaa inaan "dib u qaabayno" carruurta. Haddii kale, cilmi-baaristu waxay muujineysaa in halkan ay tahay meesha ay bulshadu ku leedahay saameynta ugu badan ee caadooyinka iyo qiyamka carruurta. Waana da'daas marka qoyska ay carruurta kadhaadhiciyaan heerarka sharaf-ilaalinta iyo qiyamka sharafta. Ma ahan wax aan la samayn karin, laakiin waa ay adagtahay in la fuliyo hanaan is beddel kolka ay ka gudbaan marxaladda ka horeysa iskuulka. Taasi ma ahan inaan kaliya dhahno inaanan ka shaqeynin arrimaha la xiriira sharaf-ilaalinta marka la joogo dugsiga hoose iyo sare. Waxaan aragnaa gabdho badan oo ku jira da'da dugsiga ka dibna la waayo fasaxyada kadib. Masoo noqdaan oo waa la guursadaa. Waxa jira carruur badan oo aan loo ogoleyn inay kaqeybqaataan maaddooyinka dugsiga hoose/dhexe, marka waa muhiim in la joogteeyo waxbarashada khasabka ah, taas oo aan ahayn waajib oo keliya balse sidoo kale ah xuquuq. Waxay ku saabsan tahay xaqa ay carruurtu u leeyihiin aqoonta taas oo ka horraysa dhaqanka, hiddaha iyo iimaanka waalidkood, iyo waxyaabo kale. Waa xuquuq aad muhiim u ah. Xaqiiji iney kaqeybqaataan dhammaan maadooyinka khasabka ah iyo ina qaataan waxbarasho lamid ah tan caruurta intooda kale.

Haddii aad tahay qof mas'uul ah oo aad la kulanto dadka loo geystay xadgudubka sharaf-ilaalinta, waa muhiim inaad ka shaqeyso sameynta cilaaqaadka is-aaminaada. Qisadu waxaa laga yaabaa inaysan soo bixin kulanka ama wada-sheekeysiga koowaad. Waa muhiim in la muujiyo kafakarid iyo u naxaariisasho iyaadoo la dhahayo, "Aniga ayaa kuu jooga, si aan u ilaaliyo xoriyaddaada iyo xuquuqdaada sharciyeed." Sidoo kale, tus inaad aaminsantahay qisada dhibbanaha intii aad weydiin lahayd su'aalo. Maadaama daraasada lagu sameeyey dulmiga iyo rabshada la xiriirta sharaf-ilaalinta ay muujineyso iney ku qaadayneyso calool adayg wayn inuu xubin reerka ka tirsani sameeyo eedeyn muggaas leh oo ka dhan ah mid iyaga kamid ah, haddii aanay jirin wax badan oo qiil ah.

Oo xaqiiji iney jirto aqoon iyo karti. Haddii aadan hubin inaad leedahay aqoon iyo karti ku filan, ha ka laba-labeynin inaad la tashato kooxda Hufnaanta Qaranka ee ku sugan Östergötland. Garashada oo kaliya kuma filna, waxaad sidoo kale u baahan tahay geesinimo si aad u aragto rabshadaha, dulmiga, iyo u nuglaanshaha. Mararka qaarkood waxaa laga yaabaa inaad naftaada u cabsato. Waxaa laga yaabaa inaysan noqon la macaamilka hal qoys oo kaliya, laakiin ay noqoto qoys dhan, reer dhan. Sidaa daraadeed, waa muhiim in la xasuusto in aniga, ka masuul ahaan, uu itaageero urur leh amni siyaasadeed iyo wixi lamid ah. Haddii ay jirto sabab uu qofka naftiisa ugu cabsado, sidee bay noqon kartaa qofka nugul ama dadka xaaladaas ku jira?

Talooyinkeyga ugu diiran ee aan usoo jeedinayo kuwa adinka kamidka ah ee la kulma dhibanayaasha sharaf-ilaalinta ayaa ah sidan soo socota: Geesinimo muuji. Xeerarka aasaasiga ah, mabaadii'da, iyo qiyamka bulshada ayaa lagu hor istaagaa kiiskan. Mabda'a sinnaanta, oo loo siman yahay dhammaan. Mabda'a cilmaaninimada. Si aad taas uga hortagto, waa inaad lahaataa geesinimo iyo aqoon. Waa inaysan noqon arrin sharaf kuu leh adiga. Haddii ay aqoonta kaa maqan tahay, waa inaadan ka cabsan inaad wacdo noocyada kala duwan ee khubarada si ay u caawiyaan oo taageero u siiyaan kuwa nugul.

Waxaa sidoo kale muhiim ah in la xasuusnaado in dhaqanka sharaf-ilaalinta, waalidiinta iyo qoysaska ay xaq u leeyihiin inay canugooda dilaan marka sharaftooda ay halis gasho. Qofka waxaa ka maqan qaraabo qoyska dhexdiisa ah oo xaaladdan oo kale ah. Qaraabadu waxa ay ka joogi karaan dibada. Waxay noqon kartaa macalin, maamule, la taliye, shaqaale bulsho, sarkaal booliis, abuukaate, ama qof iskiis isku xilqaamay.

Waxaad cambaaraynaysaa awoodda kooxdan aad beegsanaysid ay ku adeegsanaayaan xoriyadahooda iyo xuquugdooda sharciyeed.

Waa kuwee xoriyada iyo xuquuqaha lagu xadgudbo?

Xorriyad shakhsiyeed iyo xuquuqda aadanaha oo kala duwan ayey ku xadgudbaan dulmiga iyo rabshada la xiriirta sharaf-ilaalinta.

Tusaalooyinka xuquuqda aadanaha iyo xorriyadda lagu xadgudbo marka la joogo waaqiciga sharaf-ilaalinta:

Xaqa nolosha
Xaquuqda madax-banaanida iyo amniga
Ilaalinta siraha shakhsiga
Xaqa sinnaanta lammaanaha
Xoriyadda hadalka
Mamnuucista faquuqa

Muxu sharciga ka qabaa?

Sharciga iswiidhan wuxuu kahortagayaa tacaddiyada iyo dulmiga la xiriira sharaf-ilaalinta. Waxaa sidoo kale lahelayaa agab sharci oo looga hortago lagulana dagaalamo dembiyada la xiriira sharaf-ilaalinta.

Gudniinka fircooniga ah ee gabdhaha iyo dumarka waxa uu kahor imaanayaa sharciga.
Guurka carruurta aan qaangaarin iyo guurka qasabka ah waxay kayihiin sharci darro Iswiidhan.
Guurka carruurta aan qaan gaarin ee kadhacay dibadda lagama aqoonsano Iswiidhan.
Guurka hal xaas kabadan waa ka mamnuuc gudaha Iswiidhan.
Haddii shakhsi kayar 18 sano uu halis ugu jiro in wadankan meel kabaxsan lageeyo si qof loogu guuriyo, ama in la gudo, ama loo geysto tacadiyada iyo dulmiga kale ee la xiriira sharaf-ilaalinta, waxaa lasoo saari karaa mamnuucista ka bixitaanka wadanka.
Muujinta dhiiranaanta ku aadan sharaf-ilaalinta waxay sababi kartaa ciqaab adag.

Marinta gabar ama haweeney tijaabada xaqiijinta bikranimada waxay ka hor imaaneysaa shuruucda iyo qawaaniinta Iswiidhan, sida uu qabo Guddiga Caafimaadka iyo Daryeelka Qaranka. Baare dawladeed ayaa loo igmaday in uu xog ururin kusameeyo baaxadda ay leedahay tijaabooyinka bikranimada iyo "qalniinada lagu soo celiyo xuubka bikranimada" uuna ra'yi kabaxsho isbeddello sharci oo ceynkee ah ayaa loo baahan yahay si loo adkeeyo kahortagga xadidaada galmada aan loo baahnayn ee lagu hayo gabdhaha iyo haweenka.

Wax badan ka akhri

Si aad u hesho lifaaqyada ay kujiraan macluumaad qoto-dheer, waxaad kudhufan kartaa fallaarta hoose.

Visa mer

Guddiga Caafimaadka iyo Daryeelka Qaranka (2018, no. 1/18).Kusaabsan waxa loogu yeero hubinta iyo cadeynta bikranimada

Cutubka 6aad, Faqrada 1aad ee Xeerka Badbaadada Bukaanka (2010:659)

Cutubka 2aad, Faqrada 6aad, Cutubka 2aad, Faqrada 20aad, baaragaraafka u horreeyo ee 2aad, iyo Cutubka 2aad, Faqrada 21aad ee Qalabka Dowladda (1974:152)

Cutubka 4aad, Faqradaha 1aad iyo 2aad ee Xeerka Bukaanka (2014:821)

HSLF-FS 2018:54 Xeerarka iyo talada guud ee Guddiga Caafimaadka iyo Daryeelka Qaranka ee ku aadan in shahaadooyin laga bixiyo xarumaha daryeelka caafimaadka

Waa maxay ikhtiyaaradaadu?

Waxaa laga yaabaa inaad la xiriirto dad loo geystay, halis ugu jira in loo geysto, ama ugeysanaya dad kale dulmiga iyo rabshada la xiriitra sharaf-ilaalinta haddii aad la shaqeyso carruurta iyo dhalinyarada qaangaarka ah. Waad caawin kartaa ilmaha ama kan qaan-gaarka ah adiga oo diyaar u ah, ufurfuran dhegeysigooda , iyo ku dhiirrashada inaad weydiiso su'aalo ku saabsan mawduucyada sida rabshadaha iyo nugeylka.

Mas'uul ahaan, waxaad kala xiriiri kartaa Kooxda Kartida Qaranka ee kadhanka ah dulmiga iyo rabshada la xiriira sharaf-ilaalinta ee khadka caawinta xirfadlayaasha ee Maamulka Gobolka Östergötland. Halkaas waxaad ka heli kartaa talo ku saabsan arrimo qarsoodi ah.

Waxaad talo ku saabsan latacaalidda arrimaha la xiriira sharaf ilaalinta ka raadsan kartaa adeegyada bulshada ee dowladaada hoose. Waxaad la xiriiri kartaa booliska hadii aad kashakiso fal dambiyeed.

Barnahus, ama xarumaha kheyraadka, ee ku yaala gobolo badan ee Iswiidhan oo dhami ee lagusameeyo waxqabadyo diirada lagu saarayo iskaashiga, waxyaabo kale, arrimaha la xiriira sharaf ilaalinta ee saameeya carruurta iyo kuwa qaangaarka ah. Qeybo kale oo gaar ah kuwaa oo si gaar ah uga shaqeeya arrimaha la xiriira sharaf ilaalinta ayaa ka jira qeybo ka mid ah dalka.

Dhammaan ururadu waxay iga rabeen inaan joojiyo xiriirka qoyskayga, laakiin waan ku adkaystay in kasta oo hanjabaad iyo ka-saarid intuba ay jireen...

La wareystaha ku jira warbixinta Guddiga Caafimaadka iyo Daryeelka Qaranka Nolol ka madax bannaan dulmiga iyo rabshada

Warbixinta

U sheeg booliiska haddii aad ka shakisan tahay ilmo ama qof dhalinyaro ah in loo geysto ama uu halis ugu jiro in lagu sameeyo dulmiga iyo rabshada la xiriirta sharaf ilaalinta. Xusuusnow in ay kugu waajib tahay shaqaale dugsi ka ahaan in aad iska xaadiriso adeegyada bulshada haddii aad ka shakiso ama aad ogaato in ardaygu dhaqan xumo sameynayo. Uma baahnid inaad hubto inaad ka warbixiso; waxaa kugu filan in aad ka welwelsan tahay in ubadka xadgudub loo geysto.

Ficilada iyo agabka

Waxaad qaadi kartaa laba tillaabo: inaad ka warbixiso walaacyada adeegyada bulshada iyo inaad ku war galiso booliska fal-dembiyeedka laga shakisan yahay. Waxa kaloo jira qaar ka mid ah tallaabooyin iyo qalab loo isticmaali karo in lagu caawiyo oo laga ilaaliyo carruurta iyo kuwa qaan gaarka ah in xadgudub loo geysto.

Mamnuucista bixitaanka

Mamnuucista bixitaanka ayaa canuga loo soo saari karaa si looga hortago in dibada loo kexeeyo oona lagu sameeyo guurka carruurta ama gudniin.

Haddii ay jirto halis la taaban karo oo ah in canug dibada loo qaado ama uu ka tago Iswiidhan iyada oo ay ujeedadu tahay in qof loo guuriyo ama xiriir guur oo kale ah uu galo ama in la gudo, gudiga daryeelka bulshada ayaa codsan kara mamnuucista bixitaanka canuga.

Kiisaska degdegga ah, guddiga daryeelka bulshadu wuxuu soo saari karaa mamnuucid safar oo ku meel gaar ah kadibna waxa ay gudbin karaan maamul maxkamadeed, oo go'aan kagaara in mamnuucida safarka la soo rogo iyo in kale.

Mamnuucidda safarka ee lasoo saaray waa in si joogta ah dib u eegis loogu sameeyaa si loo go'aamiyo in manuucistu weli loo baahan yahay iyo in kale. Waa in mamnuucidda safarka laga qaadaa marki canuga uusan halis kujirin.

Sida uu qabo xeerka (1990:52) oo leh qodobo gaar ah oo kusaabsan daryeelka dhalinyarada qaangaarka ah, LVU, mamnuucista bixitaanka uma baahna inay la socdaan xarig ama tillaabo kale.

Ilaalinta iyo daryeelka dhalinta qaangaarka ah

Tallaabooyinka kale ee laga yaabo inay khuseeyaan arrimaha la xiriira sharaf ilaalinta waxa laga heli karaa sharciga (1990:52), kaas oo ay kamid tahay bixin gaar ah oo ku saabsan daryeelka dhalinta qaangaarka ah, LVU. Maadaama ay mutadawacnimo y ku saleysan, Xeerka Adeegyada Bulshada (2001:453) sida caadiga ah looma isticmaali karo in lagu taageero tallaabooyinka la xiriira kiisaska dulmiga iyo rabshada sharaf ilaalinta.

Ilmuhu wuxuu heli karaa daryeel ku salaysan Faqradaha 2aad ama 3aad ee LVU haddii isaga ama iyadu ay halis ugu jiraan in lagu waxyeelleeyo guriga ama ay muujiyaan dhibaateynta dabeecado bulsheed oo khatar gelinaya ilmaha. Marka loo eego Faqrada 2aad ee LVU, ee la xiriira dulmiga iyo rabshada sharaf ilaalinta, sida halista guurka ilmaha, guurka khasabka ah, ama gudniinka xubinta taranka, waxay noqon kartaa aasaas daryeel.

Faqrada 6aad ee LVU waxay sheegeysaa in ilmaha loo qaadi karo daryeel ilaalin oo degdega ah iyo daryeelka haddii qiimaynta ilaalinta bilawga adeegga bulshadu ay muujiso in baahi loo qabo. Guddoomiyaha guddiga arrimaha bulshada ayaa go'aan ka gaaraya daryeelka degdegga ah. Daryeelka degdega ayaa sidoo kale laga yaabaa inuu khuseeyo haddii dib dambe loo ogaado baaritaanka adeegga bulshada in ay jirto baahi caynkaas ah oo loo qabo ilaalinta taas oo aan daryeel lala sugi karin.

Sida ku cad Faqrada 14aad ee LVU, Guddiga Daryeelka Bulshadu waxa kale oo uu go'aan ka gaari karaa sirta meesha ay ku sugan yihiin ama xaddidaadda xiriirka bulshada.

Deeganaansho la ilaalsho

Dadka loo geystay ama halis ugu jira in loo geysto dulmi iyo rabshado la xiriira sharaf ilaalinta waxay inta badan u baahan yihiin in la geeyo meel ka baxsan gurigooda sababtoo ah xaqiiqda ayaa ah in ay ehelkooda yihiin kuwa khatar ku ah iyaga. Natiijo ahaan, ilaalinta degenaanshaha, iyo sidoo kale guryaha qoysaska iyo guryaha daryeelka ama hoyga ah, ayaa loo baahan yahay (HVB). Guddiga daryeelka bulshadu waa inuu dadka nugul u fidiyaa deggenaansho ku meel gaar ah oo ku habboon baahidooda gaarka ah. Ilaalinta deegaanka ama hoy kale oo ku meel gaar ah waa inuu lahaadaa kheyraad iyo waayo-aragnimo uu ku aqbalo oo uu siiyo ilmaha nugul ee taageerada iyo kaalmada lagama maarmaanka u ah.

Waxaa si gaar ah muhiim u ah in carruurta iyo dhalinyarada qaangaarka ah la xanaaneeyo laguna meeleeyo meel ka baxsan guriga ayna ku helaan taageero joogto ah, maadaama ay aad u adkaan karto in qoyska laga go'o iyadoo ay jiraan xaaladaha inta badan ka jira arrimaha la xiriira sharaf ilaalinta. Waxa kale oo laga yaabaa inaad u baahato caawinta samaynta nolol cusub iyo la qabsiga nolosha maalinlaha ah.

Macluumaad dheeraad ah ayaa laga heli karaa daabacaadda Guddiga Caafimaadka iyo Daryeelka Qaranka. Carruurta ku nool guryaha qoyska

Xeerarka Guddiga Caafimaadka iyo Daryeelka Qaranka ee SOSFS 2022:39

Tillaabooyinka kale

Marka laga soo tago tillaabooyinka sare ku xusan, waxa jiri kara sababo lagu qaado taxadarro dheeraad ah si loogu ilaaliyo carruurta ama qofka yar. Tusaale ahaan, qofka nugul waxa uu ubaahan karaa xog shakhsiyeed oo dhawrsan iyadoo loo marayo daryeelka Hay'adda Canshuurta, mamnuucista xiriirka ayaa loo baahan karaa.

Waxaa jira noocyo kala duwan oo xog shakhsi ah oo la ilaaliyo. Qaabka ugu aasaasisan waa xog qarinta, taasoo micnaheedu tahay in xogta gaarka ah ee kujirta diiwaanka dadweynaha aanan si sahlan lagu galin. Tallaabadan soo socota ayaa lagu ilaaliyaa diiwaanka dadweynaha, taasoo micnaheedu tahay in qofka uu kasii diiwaangashanaanayo degmadi hore xitaa haddii uu kaguuro. Ilaalinta ugu faragelinta badan waxay ku lug leedahay xogta shakhsiyeed ee la been-abuuro, taas oo macnaheedu tahay qofku inuu helo macluumaad cusub oo aqoonsi ah.

Waxbadan ka akhri webseedka Hay'adda Canshuurta ee Iswiidhan

Mamnuucista xiriirka micnaheedu waxa ay tahay in qofka loo oggoleyn inuu la kulmo qofka nugul. Khatar cad oo la taaban karo oo dhibaateyn ah, silcin, ama dembi ka galid kadhan ah qofka nugul waa inay jirtaa. Xeer-ilaaliyeyaasha ayaa gaara go'aanka mamnuucista xiriirka.

Waxbadan ka akhri webseedka Xafiiska Xeer Ilaaliyaha Dadweynaha

Dadka loo geysto dulmiga iyo rabshada la xiriirta sharaf-ilaalinta waxa ay sidoo kale ubaahnaan karaan kaalmo dhaqaale si ay nolol u sameeyaan, tani ma khusayso ugu yaraan marka la dhigo meel ka baxsan guriga.

Wax badan ka akhri talada guud ee Guddiga Caafimaadka iyo Daryeelka Qaranka ee SOSFS 2013:1

Talada iyo taageerada

Haddii aad la shaqeyso carruur iyo dhalinyarada qaangaarka ah ee nugul, waa inaad ka warhaysaa in noocyo kala duwan oo talo iyo taageeraba ah la bixiyo iyada oo ay ku xiran tahay baahiyaha shakhsiga.

Xeerka Adeegyada Bulshada waxa uu ogolyahay bixinta waxkaqabashada sida taageerada wicitaanka iyo dadka lala xiriirayo.. Qofka lala xiriirayo ayaa taageerada iyo caawinta shakhsi ahaaneed ku bixin kara siyaabo kala duwan, oo ay kamid tahay la xiriiridda maamulka.

Waxaa sidoo kale jirta suurtogalnimada in la siiyo wadahadal iyo taageero carruurta iyo dhallinyarada da'doodu ka weyn tahay 13 jir ee ku sugan xarunta qaabilaada dhallinyarada.

Macluumaad dheeraad ah ayaa laga heli karaa buug-gacmeedka Guddiga Caafimaadka iyo Daryeelka Qaranka. Rabshada

Waxaa muhiim ah in la xasuusto inay jiri karaan carruur isla dhalatay oo iyaguna u baahan taageero iyo caawin.

Ka fikir kuwan soo socda:

Waa muhiim in la fahmo in haddii aad la kulanto carruurta iyo dhalinyarada qaangaarka ah inaad ula kulanto sida ay iyaga rabaan.

Visa mer

Macluumad qoto dheer oo ku saabsan rabshada iyo dulmiga la xiriira sharaf-ilaalinta

Websaaydo badan ayaa bixiya macluuumad iyo aqoon kororsi ku saabsan sharaf-ilaalinta iyo dambiyada la xiriira. Kooxda Huufnaanta Qaran ee ka dhanka ah dulmiga iyo rabshada la xiriirta sharaf-ilaalinta ee ku sugan Guddiga Maamulka Degmada Östergötland iyo ururrada sida Rädda Barnen iyo Origo waxay leeyihiin webseeddyo laga helayo xog ballaaran oo ku saabsan mowduuca. Waxaa sidoo kale jira koorsooyin tababar oo onlayn ah oo loogu talagalay kuwa danaynaya inay wax badan ka bartaan dulmiga iyo rabshada la xiriirta sharaf-ilaalinta Kani ma ahan liis dhinac walba xog qoto dheer ka bixinaya, laakiin wuxuu bixinayaa tusaaleyaal.

Webseedyo ku saabsan rabshada iyo dulmiga la xiriira sharaf-ilaalinta

Hagida maamulka wadajirka ah

Bishi Juun 2022, hagida maamulka wadajirka ah oo kusaabsan dulmiga iyo rabshada la xiriirta sharaf-ilaalinta ayaa la bilaabay. Waa Kooxda Kartida Qaranka ee kadhanka ah dulmiga iyo rabshada la xiriirta sharaf-ilaalinta ee Maamulka Gobolka Östergötland oo isku dubariday hawlgal hay'ad wadaag ah. Hay'adda Dhibanayaasha Dambiyada, Barnafrid ee Jaamacadda Linköping, Hay'adda Booliiska, Maamulka Qaranka ee Caafimaadka, iyo Xafiiska Xeer Ilaaliyaha Guud ayaa dhamaantood taageera hagitaanka.

Usii gudub hagaha

Iyadoo lala kaashanayo daabacaadda hagidda hay'adda wadajirka ah, waxaa sidoo kale la bilaabay olole xog-ogaal ah oo ku saabsan shuruucda ku xeeran iyo agabka ka hortagga dulmiga iyo rabshada la xiriirta sharaf-ilaalinta. Dadka bartilmaameedka ah waxaa kamid ah carruurta iyo dhallinyarada qaangaarka ee nugul, iyo sidoo kale qoysaskooda iyo asxaabtooda, iyo sidoo kale xirfadlayaasha la shaqeeya carruurta iyo dhallinyarada qaangaarka ah. Warbixinta waxaa lagala soo dagi karaa hedersförtryck.se waxaana laga heli karaa kanaalo iyo aalado kala duwan, oo ay kujiraan baraha bulshada, boorarka qaabka A3-ga ah, iyo galalka macluumaadka daabacan.

Usii gudub agabka macluumaadka

Ma u baahan tahay in talo iyo taageero lagaa siiyo shaqadaada?

Haddii adiga ka xirfadle ahaan aad ubaahan tahay talada iyo taageerada ka shaqeynta dulmiga iyo rabshada la xiriirta sharaf-ilaalinta, waxaa jira khadka caawinta qaranka ee aad soo wici karto.

Khadka caawinta qaranka ee loogu talagalay xirfadlayaasha

010-223 57 60

kompetensteamet.mot.hedersrelaterat.vald.ostergotland@lansstyrelsen.se

Ciwaanka webseedka:hederfortryck.se